Турските медиуми најавија дека Алан Ајверсон наскоро би можел да го напушти Бешикташ, но американската супер ѕвезда побрза да ги демантира таквите гласини преку "Твитер".
"Сите Вас кои јас лично ве интересирам, сакам да ве известам дека сум многу задоволен и уживам во моменталното возење" - напишал Ајверсон.
Ајверсон демантира дека би ги напуштил црно-белите од Истанбул.
"Сакам да знаете дека сум среќен и задоволен во Истанбул. Моето семејство исто така е среќно и овој град го сметаме за свој дом." - вели Ајверсон.
И покрај смирувачките зборови пред се насочени кон навивачите на популарниот турски клуб, Ајверсон ни одблизу не го покажа она за што управата на клубот го доведе во Бешикташ, па останува прашање до кога ќе имаат трпение со скапото засилување, чиј допринос за успесите на тимот е еднаков на просечен турски кошаркар.