Македонските ракометни навивачи и фанови со 11 автобуси утрово тргнаа кон Шведска, каде во Гетеборг ќе ја бодрат репрезентацијата на предолимпискиот турнир.
Фановите и навивачките групи од повеќе градови ќе поминат 2.350 километри или околу 50 часа пат низ седум европски земји, односно низ Србија, Унгарија, Словачка, Чешка, Германија и Данска, за во Гетеборг да и дадат поддршка на ракометната репрезентација.
Ракометарите ќе се обидат Македонија првпат да има претставник на Олимписки игри во Лондон во колективен спорт. Квалификацискиот турнир ќе се одржи од 6-ти до 8 април и во тие три дена „црвено-жолтите“ ќе одиграат три натпревари, односно в петок со Унгарија, во сабота со домаќинот Шведска и во недела со Бразил.