Само 60 минути му беа доволни на Тимур Дибиров да ја освои публиката и во Нови Сад, вклучително новинарите и сите што гласаа за најдобар поединец на завршниот турнир.
Тимур Дибиров е МВП на турнирот и најдобро лево крило, а само уште Игор Карачиќ од Вардар „влезе“ во идеалната постава, како најдобар централен бек.
Голманот на БГК, Иван Пешиќ, херојот од пенал рулетот со Татран е избран за нај голман.
Интересно, екипата што заврши на последното место, Татран Прешов, дава два ол стар играчи. Левиот бек Оливер Рабек и десниот Даинис Кристопанс.
Најдобар пивот е Растко Стојковиќ од БГК, а најдобро десно крило Златко Хорват од Загреб.
