Швајцарија е архивирана, а македонската ракометна репрезентација комплетното внимание го насочи кон неделниот натпревар, дуел кој може да ни ги отвори портите од Европското првенство кое во 2016 година ќе го организира Полска
4 порази има Чешка на домашен терен од формирањето на ЕХФ во 1990 година. Првите два се од Белорусија во 1998 и 1999. Хрватска беше подобра од нив во 2003, а Русија во 2012.
9 гола постигна Харбок, шест Михаил Чипурин, два Дибиров, а по еден Растворцев и Атман од македонската „зборнаја“ на последниот пораз на Чешка на домашен терен. Русија ги совлада 31:27 во јуни 2012.
8 гола негатива надополнија Чесите на последниот бараж натпревар. Во Ниш загубија со 15:23, но со дванаесет гола разлика ја совладаа Србија (33:21) на реваншот и ја елиминираа од баражот за СП Катар.
20 гола е највисокиот пораз на Македонија на официјален натпревар (18:38). Следните два највисоки се 18 гола (25:43) и 17 гола (16:33). Сите три се порази претрпени од Чешка! Првиот на ЕП Италија во 1998, другите два во квалификации на гости во Чешка.