По комплетирањето на синоќешните осминафинални натпревари стана и официјално дека Македонија како деветтопласирана репрезентација го заврши настапот на Светското првенство во Катар. До оваа позиција нашиот тим доаѓа како најдоброрангирана репрезентација, која беше елиминирана во осминафиналето.
За Македонија ова е најдобар резултат во досегашните настапи на мундијалите, со оглед на тоа дека претходно со таков епитет беше 11. позиција на СП во Хрватска во 2009.
Овој момент е и прв предуслов за новата симулација на турнирите за олимписки квалификации, која открива можност за Македонија и како деветтопласирана да оди во квалификациите за ОИ. Ова е под услов Катар да биде азиски шампион, а идниот првак на Европа да биде од првите седум репрезентации на СП во Катар.