Во Истанбул попладнево на пригодна свеченост беше извршено извлекувањето на групите за Европското првенство во кошарка, што ќе се одржи следната година.
Во одредувањето на групите учествуваа четири кошаркарски „ѕвезди“ од државите домаќини на шампионот: Мирсад Туркчан (Турција), Георге Мурешан (Романија), Мики Беркович (Израел) и Хано Мотола (Финска).
На Европското првенство ќе учествуваат 24 репрезентации, кои се поделени во четири групи:
ГРУПА А (Хелсинки): Полска, Грција, Франција, Финска, Исланд, Словенија.
ГРУПА Б (Тел Авив): Украина, Израел, Литванија, Грузија, Италија, Германија.
ГРУПА Ц (Клуж): Хрватска, Чешка, Шпанија, Црна Гора, Романија, Унгарија.
ГРУПА Д (Истанбул): В. Британија, Русија, Србија, Турција, Летонија, Белгија.
Пласман во финалната фаза ќе обезбедат четирите првопласирани репрезентации, а овие натпревари ќе се играат во Истанбул.
Шампионатот ќе трае од 31 август до 17 септември 2017 година, а титулата европски шампион ја брани Шпанија.