Станува помалку и традиционално. Секое големо европско натпреварување не може да помине без присуство на Македонија. За жал, овојпат не и во оној колективен дел, но сепак...
Ќе имаме свои претставници и на овој Евробаскет кој запопшнува денеска, во четири градови во Европа.
Центарот на нашето внимание сепак ќе биде Истанбул, или градот на Босфорот, каде ќе се игра „Д“ прелиминарната група од Европското првенство.
На теренот, но во својство на судија, ќе го имаме Александар Милојевиќ, додека покрај него, на записничката маса, за регуларноста на мечевите, оние 15 во првиот круг е задолжен нашиот ФИБА делегат, Антонио Угринов.
Ова ќе биде и првата ваква „слика“, Македонија да има на едно вакво место, двајца свои официјални претставници.
Милојевиќ е четвртти пат присутен на вакви собири, додека за Угринов ова е прва ваква номинација во сениорскиот сегмент на европската репрезентативна кошарка.
Во секој случај постои големо задоволство, не е мала работа да дојдеш до еден таков стадиум , да се биде дел од најдобрите, не само играчи, туку говорам и за оние официјални лица присутни на кошаркарскиот евро-самит кој и оваа година се одржува во четири земји"- коментира Угринов за привилегијата која му ја даде ФИБА.
„Битно е дека ние 'сме тука', што се вели не има, присутни сме во Европа, на ваков или онаков начин. Би сакал и некој друг да биде во оваа улога, но со нашата репрезентација како активен чинител на ЕП. Се надевам дека ќе го дочекаме и тој момент"- дополнува македонскиот репрезент на најголемиот кошаркарски настан во Европа за 2017 година.