Денеска македонската јавност е сведок на огромно препукување на интернет помеѓу две македонски кошаркарски легенди. Врбица Стефанов и Перо Антиќ си споделија неколку невкусни коментари кои ја заинтересираа целата македонска јавност.
Целата работа започна кога нашиот НБА играч, Перо Антиќ, тотално некоректно и со многу невкусни зборови удри по македонската легенда, Стефанов. Врба од доцна синоќа е новиот тренер на нашиот шампион МЗТ Скопје. Антиќ на својот профил на популарната друштвена мрежа Instagram го објави следното:
-Не знам дали е пародија или заебанција, уште една наша тимска икона отиде во пропаст. Дундата улизи-смукович конечно стигна до целта, но за кратко верувајте“, напиша Антиќ.
Ова не е прв пат, Антиќ јавно да го нападне легендарниот капитен на Македонија, кој според чаршиските муабети, бил човекот кој го вложил сиот авторитет за да го врати Антиќ во репрезентацијата пред ЕП 2009 во Полска, кога тогашниот селектор Јовица Арсиќ го избрка поради нокаутирање на Синиша Аврамовски на тренинг.
Еве го тогашниот пост на Антиќ:
Популарниот Врба не остана покус па веднаш реши да возврати: „Навистина не ми се јасни фрустрациите кои Антиќ ги искажува кон мене. А, можеби и има причина за тоа, не знам. Он е еден од ликовите на кои не трошам време за анализирање, а неговите зборови само ја искажуваат неговата култура и домашно воспитување. Тоа е негов начин на изразување и негов вокабулар, а дали е исправен ќе процени јавноста. Само ми е жал за децата на кои тој им е идол“, кусо ни прокоментира популарниот Врба.
Останува само да ја дознаеме причината зошто Антиќ удри со „дрва и камења“ по Врбица Стефанов, кој сега е пред нов предизвик во кариерата, тренер на МЗТ Скопје кој во моментов игра во силната АБА Лига и притоа треба да ги одбрани двата пехари во изедначеното Македонското првенство.