Плејмејкерот на Црвена Ѕвезда, Маркус Вилијамс му оддаде почит на загинатиот навивач на клубот Марко Ивковиќ на уникатен и трогателен начин.
Вилијамс на натпреварот против Цедевита во АБА лигата прикажа одлична партија на паркетот, но на гумата од патиките со кои го одигра натпреварот со фломастер напиша "R.I.P. Marko". Потег кој ги трогна фановите не само на Црвена Ѕвезда туку и на кошарката.
25-годишниот Марко Ивковиќ почина во петокот во Истанбул, откако заедно со групата на фанови од Србија кои допатуваа во Турција да го следат натпреварот против Галатасарај од Евролигата беа нападнати од турски фанови на Галатасарај.
Лидерот во АБА лигата Црвена Звезда синоќа успеа да слави минимална победа на гостувањето кај Цедевита со 88:87.
Погледнете.
