НБА легендата Мајкл Џордан е милијардер, потврди магазинот „Форбс“, кој го рангираше Џордан како 513. најбогат човек во САД и еден од новите 290 милијардери. Неговите 20 години на врвот на кошарката го направија една од најголемите светски ѕвезди, а договорот со Најк за познатите „Ер Џордан“ се хит повеќе од 30 години.
Меѓутоа, неговото богатство ја премина границата од 10 цифри, поради расистичките коментари на поранешниот сопственик на ЛА Клиперс, Доналд Стерлинг. На крајот, тој го продаде тимот за неочекувани 2 милијарди $ на Стив Балмер од „Мајкрософт“, по што „скокна“ цената на сите НБА тимови. Џордан е еден од најголемите сопственици на тимот на Шарлот Хорнетс, кој сега вреди 500 милиони $.