Македонската кошаркарска федерација ги договори сите детали од соработката со светски познатата авиокомпанија „Туркиш ерлајнс“, и таа треба да биде спонзор на машката сениорска репрезентација. Договорот е потпишан и ќе биде со важност до крајот на годинава, е пред медиумите ќе биде претставен на посебна свечена церемонија, слично како лани кога во Охрид и официјално спонзор стана уште една турска компанија, „Халкбанк“.
Логото на „Туркиш ерлајнс“ нема да се најде на дресовите со кои ќе игра Македонија на Евробаскетот бидејќи нема место ниту на предната, ниту на задната страна, туку името на овој спонзор ќе стои на другата опрема (тренерки и маици за тренинг).
Турците се главен спонзор на Евролигата, и на неколку врвни фудбалски клубови низ Европа, и многу познати спортисти.
Од МКФ најавуваат дека ако сè оди по планот, за околу една недела ќе објават договор за спонзорство со уште една компанија.