Најдобриот македонски ракометар Кире Лазаров го освои 46-от трофеј во неговата кариера, откако синоќа со својот клуб Барселона триумфира во каталонскиот Суперкуп.
Барселона, исто како и минатата сезона, го совлада Грањолерс со 36:31 (17:14).
Сергеј Рутенка со шест и капитенот Виктор Томас со пет гола беа најефикасни во екипата на Барселона. Лазаров имаше една реализација. Кај Грањолерс се истакнаа Тешеира и Давид Ресина.
Ова е 27-ма титула во каталонскиот Суперкуп за Барселона, а 23-та со победа против Грањолерс во финалето.
Двете екипи за само пет дена, повторно ќе играат за титула, овој пат во Сарагоза во финалето на ASOBAL Суперкупот.