Спортското друштво Барселона, под која припаѓаат фудбалскиот, ракометниот и кошаркарскиот тим, и оваа сезона освои голем број трофеи во шпанските натпреварувања. Така, овој колектив во понеделникот, на стадионот „Ноу Камп“ ги прослави истите, а во еден дел од оваа свечена манифестација се појавија и ракометарите, а заедно со нив беше и нашиот најдобар претставник во овој спорт Кире Лазаров. Репрезентативниот капитен со овој клуб ја имаше нова добра сезона, каде што беа заверени титулите во националното првенство, како и шпанскиот куп. Единствен „минус“ на ракометарите на Барселона за оваа сезона е тоа што не успеаја да се пласираат на фајнл-фор турнирот од Лигата на шампионите во Келн.
Како што е веќе познато, од идната натпреварувачка година на Лазаров друштво ќе му прави и голманот Борко Ристовски, кој со каталонскиот тим потпиша двегодишен договор.