Фановите на поранешната шампионка на Вимблдон, Марион Бартоли се загрижени по нејзиното драматично слабеење последните години. Во три години, пензионираната 31-годишна Французинка загуби над 20 килограми откако реши да оди на диета без шеќер, млеко, глутен и сол. Таа вели дека го сака својот нов изглед.
„Ја сакам модата и го сакам моето ново тело. Сите коментираат дека сум преслаба, меѓутоа ако почнеш да размислуваш за тоа што зборуваат другите за тебе, нема да бидеш среќна со тоа што си. Јас сум многу среќна со самата себеси бидејќи сега сум таква каква што посакував“, вели Бартоли, која во 2013 година ја освои титулата од Вимблдон.