МЕТАЛУРГ – НЕКСЕ 22:28 (10:11)
На последната контрола пред стартот на сезоната ракометарите на Металург во мечот за бронза беа поразени од Нексе со 22:28. Хрватскиот претставник кој ќе биде опонент на македонскиот тим во СЕХА Лигата, заслужено се радуваше на победата бидејќи имаше резултатска контрола во најголемиот дел од мечот. По првиот дел, тимот од Хрватска имаше водство од еден гол разлика (10:11). Во продолжението, Нексе префрли во повисока брзина, а сето тоа резултираше со 17 нови голови во мрежата на Металург. Конечниот резултат гласеше 22:28.
Настапот на Кањижа купот беше последна активност на Металург во рамките на пријателските натпревари пред почетокот на новата сезона. Последниот дел од подготовките ќе биде одработен во Скопје.
Вистинскиот тест на силите на тимот од Автокоманда ќе биде на 6 септември, каде што ќе се судрат со големиот ривал Вардар во меч од СЕХА Лигата.
Покрај настапот во домашното првенство, каде што целта е да се биде што поконкурентен противник на првакот Вардар, Металург ќе се обиде достојно да настапи во регионалната лига, каде што паузираше една година.