Старите ривали Рафаел Надал и Роџер Федерер повторно беа заедно, овојпат за отварањето на новата тениска академија на Шпанецот на Мајорка. Надал го покани Федерер за промоцијата во неговиот роден град во Манакор, и Швајцарецот вели дека веднаш го прифатил тоа.
„Среќен сум што сум тука. Сега знам каде ќе ги пратам моите деца ако сакаат да научат да играат тенис“, изјави Федерер.
Меѓу двајцата тенисери, кои се судрија 34 пати и кои заедно имаат 31 гренд слем титула, секогаш постоела голема меѓусебна почит.
„Важно е што ти си тука со нас. Ти си најголем пример за вредностите кои треба да служат како пример за децата на нашата академија“, изјави Надал.