Ако сакаме да победуваме во финалињата и да освојуваме титули, мораме да покажеме спартанска игра“ вели Дибиров.
Ракометарите на Вардар во неделата ја освоија третата СЕХА круна, откако во финалето на фајнл-фор турнирот во Брест, го победија Веспрем со 26:21. „Црвено-црните“ ракометари одиграа одлично во завршницата и му се реваншираа за минатосезонскиот пораз. Тимур Дибиров беше еден од најдобрите играчи на Вардар на Ф4 турнирот.
„Тие што велат дека Загреб има лош тим, не разбираат ракомет. Загреб е многу квалитетна екипа и никој не праша колку време се подготвувавме. Подготвувавме тактика, одбрана, напад и без грешки го покажавме тоа на терен и затоа беше таква разлика во резултатот" вели Дибиров.
„Во однос на Веспрем, бевме помотивирани од нив, зашто сакаме да ги освоиме сите турнири на кои учествуваме годинава. Нема шанси да добиеш натпревар во финале без жестока игра. Само со спартанско играње може да се победи. А така игравме ние сега" додава крилото.
„Кога играш со квалитетни екипи секогаш некој некого надигрува и не можеш да играш без грешки. Не ме интересира мојата техника, туку ми беше важно тимот да победи. Така размислуваме сите во тимот".