Најбрзиот човек на светот, Усаин Болт, потврди дека ќе се прости од атлетиката по завршувањето на Светското првенство, кое ќе се одржи во Лондон (4-13 август). Триесетгодишниот Јамајчанец ќе настапи во Лондон на трката на 100 метри (5 август) и на штафетната трка 4х100 седум дена подоцна.
„Мојата цел е да победам во Лондон. Сакам да се пензионирам како шампион. Ги исполнив сите мои спортски цели и време е за збогување. Во спортот постигнав одлични резултати и донесов многу забава“, изјави Болт, кој претходно ќе настапи на Дијамантската лига во Монако.
Во богатата кариера, тој освои 11 златни медали на светските првенства.