Првиот светски рекет, Рафаел Надал се пласираше во третото коло на Отвореното првенство на Австралија по победата со 6:3, 6:4 и 7:6 (4) над Леонардо Мајер од Аргентина.
Шпанецот доби нешто посилен отпор отколку во првото коло, но без проблеми оди понатаму.
Мајер го измачи Надал минатата година на УС Опен, освојувајќи еден сет. Сега тој повторно му создаде проблеми на фаворитот но не успеа да му добие сет.
Од друга страна, Надал подоцна ја почна подготовката за настапот на Австралија опен и се очекува од меч во меч д абиде се подобар и да ја достигне посакуваната форма во подоцнежната фаза.
Негов следен ривал е Дамир Џумур од Босна и Херцеговина.