Турските медиуми пишуваат дека Бешикташ по Ален Ајверсон сака во своите редови да доведе уште една голема НБА ѕвезда, Шекил О'Нил.
Истанбулскиот тим планира овој трансфер да го оствари на лето, кога на О'Нил ќе му истече сегашниот договор со Бостон Селтикс. Првиот човек на Бешикташ, Сереф Јалцин смета дека не е невозможно познатиот центар да дојде во Турција.
"И кога сакавме да го доведеме Алан Ајверсон никој не веруваше во нас, напротив многу луѓе не исмејуваа. Ете, успеавме да го оствариме сонот. Сега многумина повторно ќе кажат дека немаме шанси, но јас го тврдам спротивното." - оптимист е Јалцин.
Шекил О'Нил зад себе има освоено 4 шампионски титули, три пати славеше со ЛА Лејкерс (2000, 2001, 2002), додека еден трофеј донесе во Мајами (2006).
НБА кариерата ја започна во Орландо Меџик, од каде се пресели во тимот на ЛА Лејкерс, а по Мајами го носеше дресот на Кливленд Кавалирс. Од оваа сезона е во Бостон.
Со Американската селекција на Светското првенство во Торонто 1994. година и на Олимписките игри во Атланта 1996. година освои златен медал.