Македонската ватерполо репрезентација загуби од Романија во натпревар од 3.коло на олимписките квалификации, кои се одржуваат во Едмонтон, Канада. Македонија загуби со 6:9 (2:1;1:2;2:4 и 1:2). По изедначеното прво полувреме романската репрезентација во вториот дел го засили темпото на играта и успеа да дојде до победата.
Головите за Македонија ги постигнаа: Срѓан Аксентијевиќ 3 голови, а по еден реализираа Борис Летица, Мирослав Ранџиќ и Иван Басара.
На другите натпревари од А групата беа постигнати резултатите: Германија – Холандија 11:6 и Грција – Црна Гора 7:8.
Во Б групата беа постигнати следниве резултати: Бразил – Аргентина 16:7 и Турција – Канада 5:14. Слободна беше репрезентацијата на Шпанија.
Табела А група: Црна Гора 6 бодови, Романија 4, Германија 4, Грција 2, Македонија 2, Холандија 0.
Табела Б група: Шпанија 4, Канада 4, Бразил 2, Турција 1 и Аргентина 1.
Македонија вечерва еден час по полноќ по македонско време против Црна Гора ќе го одигра натпреварот од 4.коло. Во другите дуели од оваа рунда играат:Турција – Шпанија, Холандија – Романија, Грција – Германија и Канада – Аргентина.