Македонската ватерполо репрезентација го претрпе третиот пораз на олимписките квалификации кои се одржуваат во Едмонтон, Канада.
Македонија ноќеска загуби од Црна Гора со 14:6 во натпревар од 4.коло. По четвртини резултатот изнесуваше 3:0; 4:1; 4:2 и 3:3.
Головите за Македонија ги постигнаа: Димитар Димовски 2, Марко Мартиниќ 1, Петар Ивошевиќ 1, Мирослав Ранџиќ 1 и Воислав Чупиќ 1.
На другите натпревари од А групата беа постигнати резултатите: Холандија – Романија 5:7 и Грција – Германија 11:9.
Во Б групата беа постигнати овие резултати: Турција – Шпанија 2:21 и Канада – Аргентина 13:5. Слободен беше Бразил.
Табела А група: Црна Гора 8 бодови, Романија 6, Германија 4, Грција 4, Македонија 2, Холандија 0.
Табела Б група: Шпанија 6, Канада 6, Бразил 2, Турција 1 и Аргентина 1.
Македонија вечерва 20 минути пред полноќ го игра натпреварот од 5.коло против Германија во обид со евентуална победа да се пласира во четвртфиналето.