Македонската машка ракометна репрезентација е поразена од репрезентацијата на Унгарија со резултат 26-28 во првиот од трите квалификациони натпревари на пласман на ЛОИ во Лондон.
Кире Лазаров со 7 погодоци од кои 3 од реализирани пенали, беше најефикасен ракометар во нашиот состав, а Наумче Мојсовски со еден помалку. Во првото полувреме не ги искористивме шансите да постигнеме голови кога Унгарија беше со играч помалку и полувремето го завршивме со резултат од 15-13 во корист на противникот.
Во второто полувреме во два наврати се доближивме на 1 гол негатива но, не успеавме да израмниме или да поведеме, па конечниот резултат во Скандинавиум салата беше 28-26 за Унгарија.
Утре не очекува вториот квалификационен натпревар против репрезентацијата на Шведска, а во недела и третиот против репрезентацијата на Бразил.
Првопласираните две репрезентации од секоја од 3-те квалификациони групи ќе избори пласман на ЛОИ во Лондон оваа година.