Капитенот на македонската ракометна репрезентација Кирил Лазаров очекува на утрешниот дуел против Чешка, Македонија да се прикаже во подобро издание од синоќешното со Данска.
- Чешка ни лежи повеќе заради стилот на игра. Можеби не очекував толку убедливо да загубат од Австрија, но поразот од Австрија го очекував, рече нашиот капитен на денешниот брифинг со новинарите.
За поразот од домаќинот на Европското првенство Лазаров смета дека е превисок.
- Мислам дека конечниот резултат е превисок и дека реално беше да загубиме со 3-4 гола разлика, но сакале ние да признаеме или не Данска има поквалитетен тим и да бевме оние вистинските можеби повторно ќе не победеше.
Македонија против Данска се уште нема немаме ниту една победа во официјален меч, но традицијата не е така црна што се однесува до средбите со чешката селекција. На претходното ЕП, во Македонија ја победи Чешка и во тој момент обезбеди пласман во втората фаза, а во слична позиција „црвено-жолтите“ се наоѓаат и на ова ЕП. Со евентуален триумф утре ќе си обезбедат настап во вториот круг.