Ванеса Мае многумина ја препознаваат како виртуозо на виолина која има продадено милиони копии од нејзините албуми и концертни билети, но оваа 35-годишна жена во 2014-та година е Олимпијка.
Мае на ЗОИ во Сочи го претставува Тајланд и вчера го одржа последниот тренинг пред денешната трка во Супер-Џи. Таа за разлика од останатите спортисти во Сочи има само 6-месечен тренинг на падините, и како што објасни на прес-конференцијата пред настапот, реални очекувања за пласманот.
-Не ни помислувам да се натпреварувам за медалите. Не дојдов тука за да се натпреварувам, туку да учествувам. Само сакам да бидам дел од спортската елита, објасни Мае.
Таа дури успеа да се квалификува за настап на Олимпијадата од нејзиниот последен обид, а за да се натпреварува на ЗОИ во Сочи, таа во 2011-та година доби и државјанство на Тајланд иако веќе по националност е Британка.