На полуфиналниот натпревар против екипата на Загреб голманот на Вардар, Страхиња Милиќ одигра одлично, успевајќи да запише 14 одбрани, од кои дури осум во вториот дел. Ова ќе биде неговото трето учество во финалето на завршниот турнир во СЕХА Гаспром Јужен Тек лигата.
- Пред натпреварот изјавив дека Загреб не ни одговара како екипа, зашто имаат играчи што шутираат од секаде, но на овој натпревар квалитетот дојде до израз. Ние се покажавме како многу поквалитетна екипа и на некој начин рутински го одигравме овој натпревар. Оваа игра беше резултат на добра анализа, мотивација и пред се желба за победа. И покрај тоа што нас најважна ни е Лигата на шампионите, и во СЕХА сакаме да бидеме најдобри, изјави Милиќ за веб страната на македонскиот шампион.
Милиќ додава дека Вардар не го дал максимумот, но и покрај тоа ја остварил целта.
- Покажавме дека подеднакво добро играме против секој тим. Сепак, мислам дека на овој натпревр не го дадовме нашиот максимум, а успеавме да се пласираме во финалето. На мечот за титулата против Мешков Брест, сигурен сум дека ќе играме уштеподобро, вели голманот на Вардар.