Каролине Вознијацки не успеа да го освои Гренд Слем турнирот УС Опен, но со освојувањето на вице-шампионската титула, таа освои и чек од 1.45 милиони долари.
Сепак, по финалето на Били Џин Кинг тениското игралиште во Њујорк, таа според статијата во Wall Street Journal, се спакувала, си го земала трофејот но заборавила едно нешто да понесе со себе. Чекот од наградата во вредност од 1.45 милиони долари.
Вознијацки се сетила на чекот дури по половина час по заминувањето од тениското игралиште, а возачот во автомобилот кој ја превезувал до аеродромот морал да се врати назад за да може да си ја поддигне наградата која ја заработи претходно.
Финалето на УС Опен беше првото Гренд слем за тенисерката од 2009-та година, но главниот трофеј го освои Серена Вилијамс откако ја порази Данката со 6–3, 6–3 во сетови.