Најдобриот стрелец во редовите на Вардар, Тимур Дибиров, во натпреварот со Целје од првото коло од групната фаза од Лигата на шампионите се наоѓа на лидерската позиција и на листата со стрелците, по првиот елитен викенд.
Реализацијата на 11 погодоци (5 пенали) го стави Дибиров на врвот, кое го дели со Момир Илиќ, ракометарот на противникот од групата Ц, Веспрем, кој исто така постигна 11 гола во мечот против Чеховски Медведи. Дибиров исто така се најде и на листата на Топ 5 најдобри погодоци викендов.
Миха Зарбец, кој беше и најголемата опасност за „црвено-црниот“ тим, со 10 гола е на третата позиција. Меѓу водечките десет на листата се наоѓа и Алекс Душебаев, кој запиша 8 погодоци во саботниот меч.