Томислав Јотовски на најновата АТП листа го има својот најдобар пласман во сингл, во својата кариера. Тој со плусот од четири позиции во моментов се наоѓа на 558. место.
Во конкуренција на двојки Томи исто така имаше позитивен напредок и со тоа сега е под број 658.
Исто така, успешен пласман имаше и Димитар Грабул, кој неколку седмици во континуитет ја подобрува својата позиција. Освојувачот на домашниот шампионат сега е стациониран на 626. место.
Грабул направи „скок“ за 15 во дубл и сега е 1.431 тенисер во светски рамки.
Шендрит Деари исто така имаше напредок во сингл. Тој на најновата листа објавена од ИТФ го зазеде 1 219. место. Доста успешност имаше и во двојки, каде што со позитивниот напредок од три позиции сега е под број 1.246.
Одличната седмица за македонските рекети ја заокружија Стефан Мицов, како и Бесир Дургути.
Мицов сега во сингл ќе ја брани 1.286 позиција, додека во дубл беше успешен за 24 места и сега го зазеде 1 801. пласман.
Дургути, пак, кој се рангира само во единечна конкуренција, оваа седмица ќе го брани 1 298. место.