Швајцарските тенисери, Станислас Вавринка и Роџер Федерер повторно пред камерите ја негираа кавгата која според медиумите во В. Братанија ја имале за време на полу-финалниот меч финалниот Мастерс турнир во Лондон.
Двајцата се појавија заедно на прес-конференцијата во Лил пред финалето на Дјевис купот кое че се одигра престојниот викенд, но како што објавија тамошните медиуми, двајцата тенисери тренирале одделно.
-Зборувавме по мечот, а сега се е опуштено. Настана голема работа од сето тоа, но за нас не беше ништо, изјави Федерер на пресот пред Дејвис куп финалето, а Вавринка додаде –„потрошивме само 5 минути разговор на таа тема“.
Рсправијата како што ја нарекоа медиумите во В. Британија настанала по неспортското навивање на сопругата на Роџер, Мирка Федерер во полу-финалето, а самиот Роџер по пласманот во финалето се откажа од мечот 30 минути пред почетокот финалниот меч во Лондон.
Вавринка и Федерер имаат долго пријателство, а заедно ја освоија и олимписката титула во двојки во 2012 година.
Ова не е првпат поддршката од „ВИП боксовите“ на тениски меч да предизвика ваква бура. На Мастерсот во Монте Карло во 2008, Федерер им порача на родителите на Новак Ѓоковиќ да бидат „тивки“, а на Вимблдон во 2010 се жалеше на тренерскат помош која Рафа Надал ја добиваше од својот чичко Тони.