Познато лице сретнавме во микс зоната во Лусаил, Павел Атман, бекот на Металург, кој ја напушти скопската екипа и сега спасот од скопскиот пекол го бара на Блискиот Исток.
Павел Атман комуникацијата со управата на македонскиот клуб ја води преку институции, комисиите на ЕХФ кои треба да го ослободат од договорот. Во меѓувреме, крајот на сезоната која нема да ја заборави планира да го дочека во Обединетите Арапски Емирати. Претходно, чека одговор од Виена.
Тој веќе имаше обид да потпише со Ал Џаиш, одработе и еден тренинг со екипата од Доха, но од познатите причини не дојде до реализација.
БИДЕЈЌИ НИВНИТЕ ИГРАЧИ СЕ ДЕЛ ОД МУНДИЈАЛОТ
Клубовите и РФМ ќе инкасираат од ИХФ
Интернационалната ракометна федерација (ИХФ) ќе им подели бонуси на клубовите, чии ракометари се дел од националните тимови и учествуваат на мундијалот. Износот е компензација за отсуството на играчите од клупските обврски и е во зависност од деновите кои националниот тим ќе ги помине на првенството.
Играчите се рангираат во пет категории. За репрезентативците рангирани од еден до четири клубовите ќе добијат дневница од 400 евра, за оние кои се во групата меѓу пет и осум износот е 300 евра, од деветто со 16. место дневницата е 200 евра. За ракометарите кои ќе влезат во категоријата од 17 до 20. место клубовите ќе добијат по 100 евра, додека најмалата сума од 75 евра е за играчите рангирани од 21 до 24.
Бонус ќе добијат и Ракометната федерација на Македонија, откако ИХФ донесе одлука да им додели по 25 илјади евра на сите Федерации чии национални тимови обезбедија настап на СП во Катар.