Ракометарите на Вардар во кус период (два дена) ги одиграа двата одложени натпревара од домашниот плеј оф. По триумфот над Зомимак во Струмица во средата, синоќа на домашен терен ја совладаа и екипата на Тинекс Пролет со 40:25.
Овие два дуела беа одложени поради настапот во Лигата на шампионите.
„Црвено-црните“ со двете победи се искачија на првото место на табелата во плеј офот со максимални 9 бодови, колку што има и шампионот Металург, а токму овие два тима утре ќе го одиграат и дуелот од 4.коло. Почетокот на натпреварот е во 17 часот, а ќе се игра во СЦ „Јане Сандански“.
Од 4.коло попладнево ќе се игра дуелот Зомимак – Радовиш, а во недела ќе играат: Тинекс Пролет – Прилеп.
Табела: Вардар 9 бодови, Металург 9, Зомимак 3, Радовиш 3, Тинекс Пролет 3, Прилеп 0.