Вилнус, 8 септември 2011 (МИА) - Македонската кошаркарска репрезентација попладнево во Вилнус ја совлада Грузија со 65:63 и со петтата победа по ред обезбеди четвртфинале на Европското првенство што се одржува во Литванија.
Лестер Бо Мекејлеб со вкупно 27 постигнати поени, го даде решавачкиот кош на две секунди пред крајот и беше најзаслужниот за најголемиот успех во историјата на македонската кошарка.