Перо Антиќ по втората победа на Фенербахче над Реал Мадрид, со која дојде на еден чекор од пласман на фајнал-форот во Евролигата, беше расположен преку социјалните мрежи да го искоментира и изборот на Драган Раца за нов селектор на машкиот сениорски национален тим на Македонија. Антиќ во свој стил „распали“ по водечките луѓе во МКФ, претседателот го нарекува со името кое го има во турскиот пасош, а според Перо, кој од тандемот што ја води федерацијата беше наречен „небитен“, селекторот Раца ќе биде само пион во рацете на спортскиот директор.
„Продолжува забавниот магазин КФМ со интересни теми. Нема што да се каже повеќе. На сите им е јасно што се случува. Дуо фантастико пак си играат со нешто што се правеше откако нè оставија во Б дивизија. Само можам да кажам срамота, и со среќа до новиот пион на Заре и компанија. Се знаеше кој сака да е селектор и кој ќе биде, гледаме како сакаат да си воведат свои правила. Поздрав до Полат Намик и компанија, кои гледаат само да помогнат на кошарката во Македонија, хахаха.
Јас само можам да ветам дека можам да им удрам по една шлаканица (што ќе се случи кога и да е). Сепак, иако не сум политички определен како Полат, претседателот е мој познаник и би ми ги простил сите гревови што би им ги направил на нив, гледам дека така е кај нас сега шемата. Срам да ви е!