Откако НБА лигата одлучи на градот Шарлот да му ја одземе организацијата на ол-стар викендот во 2017 година, еден од газите на тимот Шарлот хорнетс, Феликс Сабатес, напиша писмо во кое жестоко го искритикува раководството на најсилната лига на светот. Причина за одземање на ол-старот е еден спорен закон во сојузната држава Северна Каролина во кој има одредени забрани за припадниците на ЛГБТ заедницата.
Мнозинскиот сопственик на акции во клубот, Мајкл Џордан, рече дека клубот се спротивставува на дискриминацијата во каква било форма, и изрази разочарување од одлуката. Многу подиректен беше еден од првите соработници на Џордан.
„Во САД има уште 21 сојузни држави со слични закони. Дали тоа значи дека НБА ќе преселува клубови во државите кои имаат поблаг однос кон хомосексуалците? Срамота е што помалку од една десетина од луѓето во нашата држава ја тераат НБА да има вакви глупави реакции и ги попречуваат сите други да гледаат голем спортски настан како ол-старот. Мислев дека оваа земја е заедничка на сите, и дека не може само неколкумина да одлучуваат за нашата иднина. Проблем е кога лице од друг пол го користи вашиот тоалет. Секој може да си го смени полот, ова е слободна земја, но не треба 8-годишни деца да бидат принудени да делат тоалет со лице кое сега е од нивниот пол, но се родило во другиот. НБА треба да се засрами што потпаѓа под влијание на корпорациите кои не се грижат за педерите и лезбејките како што кажуваат, туку се грижат само за својот бизнис и ги злоупотребуваат за свои цели“ - напиша Сабатес, кој е Кубанец и еден од најзаслужните што Шарлот доби НБА клуб во 1987 година. Од клубот не го коментираа пишувањето на Сабатес.