Пар патики што ги носеше Мајкл Џордан на Олимпијадата во 1984 година, беа продадени за фантастични 190.373 долари во неделата, поставувајќи апсолутен рекорд. Се работи за патики од марката „конверс“, кои ги носеше легендата во финалето против Шпанија, во Лос Анџелес.
Се смета дека ова се последните пар патики што ги носеше Џордан како аматер, но и последен пат кога носеше „конверс“ на официјален натпревар. Тој постигна 20 поени во 96:65 победата, три недели пред Олимпијадата, потпиша договор со Чикаго булс, а во октомври 1984 - дологодишен договор со „Најк“. Претходниот рекорд го имаа, исто така, негови патики, носени на петтиот натпревар од НБА-финалето во 1997 година, кои во 2013 година се продадоа за 104.765 долари.