Македонскиот кошаркарски интернационалец Перо Антиќ утре ќе потпише двегодишен договор со НБА тимот на Атланта Хоукс, објави агентот Мишко Ражњатовиќ на својот Twitter профил.
Двократниот шампион во Евролигата, денес ќе отиде во Атланта да подлегне на медицински тестови, а се очекува да се врати во Европа во петок.
Се’уште не е познато како ќе влијае трансферот на Антиќ врз репрезентативните обврски и претстојниот настап на Еуробаскетот во Словенија, бидејќи НБА екипите имаат натпревари за загревање пред новата НБА сезона кон крајот кој апочнува на октомври.
Се очекува на официјална потврда од НБА тимот, и евентуална дата за негова официјална промоција во дресот на Хоукс.
„Пред неколку години беше во камп во САД, а сега воопшто не се сомневам дека ќе успее во НБА лигата. Перо ги поседува сите квалитети на еден врвен кошаркар. Точно е дека системот на игра е различен кога се компарира меѓу САД и Европа, но Антиќ поседува извонредна спортска интелегенција и не се сомневам дека многу брзо ќе се адаптира на начинот на кој се игра кошарката во НБА“ – изјави тренерот Марјан Лазовски за спортскиот портал ЕКИПА.
Веста за Антиќ беше објавена и на Sportando, една од најдобрите веб страни за вести од областа на кошарката и трансфери на играчи.
