Барселона вечерва на Ноу Камп ќе го пречека тимот на Милан во претсрет на реванш натпреварот од осмина- финалето на Лигата на шампионите.
Милан има предност од два гола во првиот натпревар на Сан Сиро и Барселона ќе има тешка задача за да се пласира во најдобрите 8 тима. Историски Барселона и Милан до сега одиграле 16 натпревари во Лигата на шампионите. Каталонците до сега запишаа 6 победи, Миланезите 5, а 5 од натпреварите завршиле нерешено.
Во последните 10 години овие два тима одиграа дури 4 натпревари на Ноу Камп, последниот во април минатата година кога тимот предводен од Пеп Гвардиола славеше со 3-1.
Минатата сезона овие два тима беа дел од групата Х во раната фаза на Лигата на шампиони, а подоцна се срренаа и во четврт- финалето. Барселона во полу- финалето се сретна со Челзи, но тоа беше крајот за „каталонците“ во најелитното клубско фудбалско првенство минатата сезона.
Да се потсетиме на нивниот последен натпревар во Лигата на шампионите.