Тренерот на Борусија Дортмунд, Јурген Клоп изјави дека неговиот тим го очекува тежок натпревар против Реал Мадрид во четвртото коло од ЛШ, но е оптимист за нов триумф над „кралевите“.
-Реал имаат силен напад и постигнуваат многу голови. Натпреварот ќе биде потежок од тој пред две недели бидејќи ќе играат на домашен терен. Моите 11 фудбалери на теренот ќе треба многу да се борат, но мислам дека можеме победиме повторно, објасни Клоп пред вечерашниот натпревар на Сантијаго Бернабе.
Тој додаде дека постои почит кон противникот но не и страв во тимот пред вечерашниот натпревар.
-Нема моите фудбалери да истрчаат исплашени на теренот, додаде Клоп, кој имаше и пофални зборови за колегата од противничкиот тим, тренерот на Реал, Жозе Мурињо.
- Тој е еден од најдобрите тренери на светот. Добар човек и одличен колега, изјави Клоп за тренерот на Реал Мадрид.
Пред две недели Борусија Дортмунд со резултат 2-1 на домашен терен го порази тимот на Реал Мадрид.
Натпреварот Реал Мадрид- Борусија Дортмунд ќе имате можност да го проследите на Arena Sport 3 на MaxTV.